All episodes

Den 30. Oktober waren d'Kim vum LSC an de Stefanos vun der ANESEC am ACEL Studentecorner op Besuch. Mat hinnen huet d'Anne sech d'Stad Köln als Studentestad méi genee ugekuckt. Wéi lieft et sech zu Köln? Wéi ass d'Wunnengssituatioun? Wéi eng Eventer stinn zu Köln a beim LSC un? An d'ANESEC huet een Abléck an d'Beruffer ënner anerem an der Finanzwelt ginn. Des Weidere goufen och Tipps fir de Wiessel an d'Beruffswelt gedeelt. Alles dat a nach vill méi an dëser Editioun vum Studentecorner am Oktober.

Den 2. Oktober waren d'Serena vum ELAN an de Pit vum der ACEL am ACEL Studentecorner op Besuch. Mat hinnen huet d'Anne sech d'Stad Nanzeg als Studentestad méi genee ugekuckt. Wéi lieft et sech zu Nanzeg? Wéi ass d'Wunnengssituatioun? Wéi eng Tipps si wichteg fir d'Uni? An d'ACEL huet eng interessant Ëmfro ronderëm de Logement an den Transport fir Studenten zu Lëtzebuerg gemaach. Des Weidere gouf och scho vill iwwert d'Studentefoire geschwat. Alles dat a nach vill méi an dëser Editioun vum Studentecorner am September.

Den 28. August waren d'Hannah vun der ALUS an de Seid vum LSH am ACEL Studentecorner op Besuch. Mat hinnen huet d'Anne sech d'Stied Stroossbuerg an Heidelberg als Studentestied méi genee ugekuckt. Wou kann een hei gutt iesse goen a richteg Party maachen? Wéi ass d'Wunnengssituatioun? Wéi eng Oplage ginn et op de jeeweilegen Unien an Héichschoulen? Alles dat a nach vill méi an dëser Editioun vum Studentecorner am August.

P.S.: zu Stroossbuerg gëtt engem Member vun der ALUS sécherlech net langweileg, well hei stinn zwee Eventer pro Woch un!

Den 21. August waren d'Leny an de Philippe am ACEL Studentecorner op Besuch. Dobäi huet et sech ëm eng speziell Sendung gehandelt, well hei huet sech alles ëm d'REEL zu Oochen gedréint. Esou huet d'Anne mat hinnen iwwert d'REEL am Allgemenge geschwat. De Programm gouf am Detail gekuckt an och iwwert d'Journée Politique gouf diskutéiert. D'Diana vun der ACEL huet och nach erkläert, wat d'Aufgabe vun der ACEL bei enger REEL sinn.

P.S.: Oochen huet och eng ganz magesch Zuel - nämlech d'Siwen!

Den 31. Juli waren den Thomas vum AVL an d'Sophie vun der ALSEP am ACEL Studentecorner op Besuch. Mat hinnen huet d'Anne iwwert den AVL an d'ALSEP geschwat. Wéi ass et zu Oochen ze studéieren? Wat kann een alles zu Ooche studéieren? Wéi gesäit de Bildungswee vun enger Joffer oder engem Schoulmeeschter aus? A wat kann een sech ënnert dem Studium Heelpädagogik a Musekspädagogik virstellen?

P.S.: Oochen huet och eng ganz magesch Zuel - nämlech d'Siwen!

Den 2. Juni waren de Mats vun der Luxéire an de Guillaume vu L.i.l.l.e. am ACEL Studentecorner op Besuch. Mat hinnen huet d'Anne iwwert d'Luxéire a L.i.l.l.e. geschwat. Wéi ass et an Irland ze studéieren? Wou kann een iwwerall an Irland studéieren? Wéi ass et zu Lille zu studéieren? Firwat ass Lille esou eng flott Stad fir ze studéieren? Wat fir Eventer organiséieren, déi zwee Cerclen iwwert d'Joer?

P.S.: déi zwee Cerclë stiechen nach an hire Kannerschong, well si goufe réischt 2025 gegrënnt!

Den 29. Mee waren de Mattis vun der ACEL an de Sven vun der Amicale vun der ACEL am ACEL Studentecorner op Besuch. Mat hinnen huet d'Anne iwwert d'ACEL an d'Amical vun der ACEL geschwat. Wat steet bei der ACEL, déi nächst Zäit sou un? An et goufen Ännerungen zu der Studentefoire annoncéiert! D'Amicale vun der ACEL huet erzielt, wéi si d'ACEL ënnerstëtzen a wéi wichteg och nach ancien Studenten an ancienne Studentinne fir déi aktuell StudentInne sinn.

P.S.: all fënnef Joer gëtt bei der ACEL an der Amicale grouss gefeiert!

De 24. Abrëll waren de Paul vun der NSA an de Joshua vun der ALESPS am ACEL Studentecorner op Besuch. Mat hinnen huet d'Anne iwwert d'Studentencercelen NSA an ALESPS geschwat. Wéi eng Studiegäng ginn et an de Beräicher vun den Infirmiersberuffer? Wéi eng Studiegäng ginn et an der Politikwëssenschaft, der Kommunikatioun, dem Journalismus a villes méi? Wou kann een déi Studiegäng jeeweils studéieren? Wéi eng Eventer organiséieren d'NSA an d'ALESPS?

P.S.: béid Cercle sinn nach zimmlech jonk a goufen am selwechte Joer gegrënnt!

De 27. Mäerz waren den Theo vum Elan an de Joe vun der ALEM am ACEL Studentecorner op Besuch. Mat hinnen huet d'Anne iwwert d'Studentestad Nanzeg geschwat. Wéi eng Studiegäng ginn et do? Wéi lieft et sech zu Nanzeg? A wéi gesäit hei d'Cerclesliewen aus? Mee et gouf awer och mat der ALEM iwwer all méiglech Studiegäng am medezinesche Beräich geschwat. Wou kann een iwwerall medezinesch Fächer studéieren? Wéi eng Oplage ginn et, wann een an ënnerschiddleche Länner wëll Medezin studéieren?

P.S.: och mat enger manner gudder Première kann een nach Medezin studéiere goen!

De 27. Februar waren d' vum LSD an d'Sophie vun der ALSEP am ACEL Studentecorner op Besuch. Mat hinnen huet d'Anne iwwert d'Studentestad Stroossbuerg geschwat. Wéi eng Studiegäng ginn et do? Wéi lieft et sech zu Stroossbuerg? A wéi gesäit hei d'Cerclesliewen aus? Mee et gouf awer och mat der ALSEP iwwer all méiglech Studiegäng am pädagogesche Beräich geschwat. Wou kann een iwwerall pädagogesch Fächer studéieren? Wéi gesäit d'Zukunft mat engem pädagogeschen Diplom dono zu Lëtzebuerg aus?

P.S.: weess du wat d'Stroossbuerger Studenten oft iesse ginn?